1. Die Kärwa is kumma, die Kärwa is dou, die Oldn däi brumma, die Junga sin frou.
2. Rieber, nieber, nauf und no sähd da Bauer Gersdn, all die scheena Bauernmadli mechd ich a mol bäschdn.
3. Siem mol siem is Zwedschgerskern, Madla lou dei Bumbl schern, iebers Joahr, iebers Joahr wachsn widda neie Hoar.
4. Madla mid deim riebernieber, madla mid deim naufundno, zeich mer mol dei Lichdmaschina, häng ich mein Dynamo dro.
5. Die Bumbl hockt am Fensderbredd, der Zibfl wieserwie, fedreriarium... die Bumbl machd an Schnabberer, da woar der Zibfl hi, fedreriarium,
6. Wenn mei Fraa ihr Kärwa had, dann hob i meine aa, bei mir do leffds die Gurgl no, bei meina Fraa die Baa.
7. Mei Schwesder is schwanger, und wass ned vo wem, im Schdall schdehd a Gaßbock, edz schäibd sis aff dem.
8. Madla mid deim riebernieber, Madla mid deim Vuglhaus, dou amol dei Baa do drieber, lou ich a mein Vugl raus.
9. Siem mol siem is Zwedschgerskern, obber kaane Pflauma, des Madla, des kan Kerl ned had, des machd sis midn Dauma.
10. Was wär denn des Nämberch, was wär denn des Färdd, was wär denn des Zirndorf, wenns Weinzerla ned hädd.
11. Wenn der Schäfer reidn will, dann saddld er sein Bock, no zwiggd dann gscheid in Beidl nei, no leffd der im Galobb.
12. Ich wolld ich wär im Himmel drom und hädd a Fässla Bier, ich hoggerd mich affd Wolgn nauf und sauferd wäi a Schdier.
13. Ich wolld, ich wär im Himmel drom und häd a Säggla Geld, ich reiderd aff die Wolgn rum und scheißerd aff die Weld.
14. Mir is aff derer Weld nix läiber, wäi a Bressag und a Woschd, und a lusdigs Bauernmadla und a Seidla fier mein Doschd.
15. Mir is aff derer Weld nix läiber, wäi a Bressagg und a Kraud, und a lusdigs Bauernmadla, däi sin selber neidou draud.
16. Zwischn Oarsch und Bumbala, da is a glaaner Damm, und wenn der glaane Damm ned wär, wärn Orsch und Bumbl zam.
17. Wäi muss mers denn machn, dass die Madli schäi bleim, mid Buddermilch waschn und Kuhdreeg eireim.
18. Woasd ofd in meim Kämmerla, woasd ofd in meim Bedd, holladija holladio, hasd ofd bei mir gschloofn, doch dou hasds
ned wolln, du Dolln, holladija holladio.
19. Bumbala, Bumbala, du hasds schäi, brauchsd ned in die Ärbad gei, brauchs ned ärbadn, brauchsd ned schwidzn, brauchsd bloß vur
deim Oarschluch sidzn.
20. Die Marie aus Schwaighausn, die hängd ihr Fodz am Gadderzaun, do kanns a jeder mausn, die Dunnerwedder Sau.
21. Bin i amol bodn ganga in an deifm Weiher, hoggd a Frusch aff meiner Schdanga, schbield mid meine Eier.
22. Nachds um halba viera, weggd da Wärd sei Wärdi auf, schbield aweng an ihra, bums scho lichder drauf.
23. Wenn mer eich su singa herd und schaud eich a nu zou, a Lädschn wäi a Giecheroarsch, is Hirn is vuller Schdrouh.
24. Bumblhoar und Bumbllabbn gehm a scheens Boar Winderschlabbn, nimmsd in Kidzler a derzou, hasd an Salamanderschouh.
25. Gell Madla sigsd mi gern, zamgschdauchda Schdurmladern, o du olds Odlfass, dir scheiß i wos.
26. Die Zirndorfer Madli, die hoggn aff am Staa, und wardn aff die Amis, wie a Hund aff am Baa.
27. Die Linder Madli, die sin ja rechd fix, die hoggn si ans Dischbaa und reim si die Bichs.
28. Die Windersdorfer Madli ham gelbe Schdrümbf oo, die braungs goar ned waschn, die brunsns glei oo.
29. Die Ammerndorfer Madli, die sin ja rechd dumm, die scheißn ins Bedd nei und rudschn drauf rum.
30. Die Zirndorfer Madli ham an Necher bussierd, edz greings an glaan Bimbers, der is schwarz-weiß karrierd.
31. Die Roschdler Madli, die lieng si ins Glee, und wenn ans vorbeikummd, dann brunsns ind Höh.
32. Meine Frau und deine Frau blühen wie zwei Rosen, deine ham die Russn geichd, meine die Franzosen.
33. Meine Frau und deine Frau sin zwa alde Weiber, deine machd die Kärwasau, meine machd in Dreiber.
34. Und da had aner gsunga, der singd goar ned schlechd, denn schdell i glei ei als mein Scheißhaislasknechd.
35. Und da ham ane gsunga, des had si ned greimd, denner kehrd doch die Zunga am Oarsch hinder gleimd.
36. Und da ham ane gsunga, ham gsunga aus Drodz, is Maul vuller Gaafer, die Nosn vull Rodz.
37. Ich hob amol Madla kahbd, die wor vo Kasdnreidh, der hob i undern Rock no gschaud, da häddi mi bal gschbeid.
38. Ich hob amol Madla kahbd, die wor vo Oddnsoos, die had a rechda glaane kahbd, do wor der meine zgroß.
39. Ich hob amol a Madla ghabd, däi woar vo Zieglstaa, däi hod a rechda grouße ghabd, do woar der meine zglaa.
40. Mei Vadder is Bäcker, und Bäcker bin i, mei Vadder baggd Weggli, die Madli bagg i.
41. Mei Vadder is Medzger, und Medzger bin i, mei Vadder schdichd Sai, und die Madli schdech i.
42. Mei Vadder is Schreiner und Schreiner bin i, mei Vadder machd Wiegn, den Inhald mach i.
43. Ihr kennd mi ned dreim, ihr kennd mi ned schdiern, des wo ich im Oarsch hob, des hobd ihr im Hirn.
44. A olda Fraa mid Dreeg ogschmierd, mid Federn ieberzung, an Federbusch in Oarsch neigschdeckt, nou is des Louder gflung.
45. Und wenn amol däi Kärwa is und solls ned lusdig sei, dann scheiß i aff däi Kärwa nei, soll lieber kanne sei.
46. Und wenn ums Joahr däi Kärwa is und wird ned graffd und gschlong, dann scheiß i in däi Kärwa nei, ich mechd mei Briegl hom.
47. Hasd immer gmand des schadd dir nix, es schau dern o dein Bauch, edz schaff mer glei däi Windeln her, däi Ludln und in Schlauch.
48. Mei Nachbari, mei Nachbari, des is a grouße Sulln, däi geihd in unsern Keller no, und brunsd aff unsre Kulln.
49. Der Schneider geihd im Wald spaziern, dou kummd a Schiebla Wind, nou haudsn in a Mausluch nei, edz hoggder drin und spind.
50. Heid nachd hob i draamd, i hob Amerika enddeckt, derwal is mei Kubf im Brunshoofn gsdeckt.
51. Wenns rengd und wenns schneid, wenns dunnerd und blidzd, hods Madla ins Bedd brunsd, nou sachds si hod gschwidzd.
52. I reid aff kam Schimmel, i reid aff kam Braun, i reid aff meim Madla, nou brauch i kann Zaun.
53. Rudz und Wasser kennd i greina, schaud na däi schäin Madli o, jeder Lausbou had scho seine, und mir laafns oll davo.
54. Rieber, nieber, nauf und no, schaua däi Leid zum Fensder no, wos däi Boum fier Madli hom, dass mer wos zum Radschn hom.
55. Ich mechd amol a Robbern hom mid lauder Necherweiber vull, mei doud mir mei Beidl weh, wenn ich däi alle bembern soll.
56. Musikandn mei Leem, schäine Madli mei Freid, dou hod mer mei Leebdoch ka Kreidzer ned greid.
57. Wenns deine Leid ned leidn wolln, und meine wollns ned hom, nou maxd die Bedd in Weiher nei, no kann di kanner hom.
58. Däi Wärdsmad is schwanger, däi Wärdi is dick, da Wärd hod in Dripper, hom däi drei a Gligg.
59. Dass ich a lusdigs Bärschla bin, des sichd ma an meim Haus, der vodre Giebl wackeld scho, der hindre fälld bol raus.
kennsd di aus.
60. Und dass des Haus ned eifalln ko, dou sorch i scho dafier, denn hindn hällds däi Hypodhek und vorn der Grichdsvollzieher.
61. Ja wos is denn dou drinna, ja wos schaud denn dou raus, a glaans Dräbfla Bier und des sauf mer goar aus.
62. Ja wouis denn däi Musi, wall mers goar nemmer herd, däi hoogd in der Kichn und spield affm Herd.
63. Und is Bärbala hod gschissn, wäi a Bressack su dick, dass in Oarsch ned had zrissn, kannsd song vo am Gligg.
64. Ammerdorf sichd ma kaum, vur lauder Zwedschgerbaum, schod dass ka Pflasder had, sunsd wers a Stadt.
65. Zwischn Weinzerla und Windersdorf, dou wachsn roude Roum, und wenn däi Madli schwanger sin, dann schiem sis aff däi Boum.
66. Wou is denn des Gärchla, des Gärchla is fei ned daham, der is aff da Kärwa und frißd däi Brodwäschd zam.
67. Drieberds aff der Stodlspidz drom, dou hod der Spodz sei Spädzi beim Groong, dou hodders beim Groong, dou ziechders drom rum,
drieberds aff der Stodlspidz drom.
68. Und is Madla had keiräd in Bähmerwold nei, an bugglerden Schneider, der bringdn ned nei.
69. Und dou hod ern mol drinna, nou bringd ern ned raus, etz hom mer an bugglerden Schneider zuhaus.
70. In unsern gschdandin Grouch, dou bassn 15ä Seidli nei, dou hom mer z’saufn gnouch, mid unsern gschdandin Grouch.
71. Iebern Zaun bin i gschdieng, midn Oarsch hänga bliem, hob i gschimbfd, hob i gfluchd, hob mein Oarsch widda gsouchd!
72. Und des Madla, des si ned rudschn lässd, des foahr ma mid der Kudschn, des Foahr ma ieber Berch und Dol, dou hommers ieberol.
73. Und mei Vadder hads gsachd, und mei Mudder sachds a, der Bou wird erwachsn, edz brauchd er a Fraa.
74. Weinzerla des is glaa, und wenn der Bou zum Madla gehd, nou wass däi ganze Gmaa, Weinzerla des is glaa.
75. Weinzerla des is grouß, und wenn der Bou zum Madla gehd nou is der Deifl lous, Weizerla des is grouß.
76. Bin i amol affm Dudzndeich gschwumma, is mer a Krokodil endgeng kumma, bin i widda ummi drad, Einigkeit machd stark!
77. Ich bin einmal auf dem Dutzendeich geschwommen, da ham die Fische vom Baum runder gesongen,
da hab ich Angst gekriegt und hab gegrienen.
78. Wenn i rechd bsuffn bin, lech i mi affs Sofa hi, deck mi mid meim Moßgrouch zou, nou hob i mei Rouh.
79. Mei Schwiechermudder, däi Schwardn wärd nemmer lan leem, dera hab i an Kuss mid da Misdbadschn gem.
80. Edz drink mer mol rum und kummds aff mich a, mei Hols is sou druckn und Doschd hob i a.
81. Iebern Zaun bin i gsprunga, in Bauernhuf nei, der Hof kehrd in Bauern, die Tochder is mein.
82. Oh du brauns Bierla mid deim scheen weißn Schaum, vur halber viera gemma ned ham.
83. Mir tanzn unsern Bedzn naus, mid seina weißn Wolln, des Madla wo ned tanzn ko, des is a rechda Dolln.
84. Geh rieber wenig, geh nieber wenig, ich mou da mol wos soung, mei Nachbri had an Schdobfer gmachd, den mousd amol versoung.
85. Mei Vadder had zwaa Boum, an groußn und an glaan, da Grouße saufd und der Glaa kummd ned ham.
86. Wenn der Bauer ackern doud, und had zwaa schdumbfe Schar, des is als wennsd a Madla geigsd und kummsd ned durch däi Haar.
87. Und wer an schdoanign Acker hod und an hölzern Pflouch, und a gaschdigs Madla, der kon si gradzn gnouch.
88. Und edz simma hold kumma, und edz simma hold dou, und wär ma ned kumma, nou wär ma ned dou.
89. Und dou ham mer wos grichd, und dou dank mer rechd schäi, dou wär mer is näxd Joahr glei widda hi geih.
90. Vo dou drund kummi her, wou der Schornsdaa rauchd, Körasier hob i glernd, hob an Schulmasder brauchd.
91. Wos is denn des fier Kärwa, hod mer nu kann Bsuffna gseng, wos is denn des fier Kärwa, hod ma nu kann gseng.
92. A schäins Haus is a Wärdshaus, und a schäins Zimmer a Frauenzimmer, und a schäine Stadt a Beddstadd, wenn a
schäins Madla drin lichd.
93. Kumma Weinzierlaner zwei, drei, nou renna däi Winderschdorfer ins Scheißheisla nei.
94. Madla do schau her, mir wächsd a Schiebla Hoar am Bauch, ich glaab ich werd a Bär, Madla do schau her.
95. Gonsgrong und Saumogn derf mer nemmer song, hasd a fünfersiebzg Pfennig Backschdaakäs im Mong.
96. Der Wärd had an langer, an himmellanger Schürzn o, der will uns fanga, fälld selber drieber no.
97. Ned a su, ned a su, wies däi Madli machen, fressn däi ganzn Brodwärschd zam und genga ham und lachn.
98. Schusder und Polacken tanzn oll mid hölzerna Schlabbn, soch na blouß neds das des Gschmaas edwas vo der Mode wass.
99. A Rundn rum, a Rundn rum, nou gemma in däi undre Schdumm, und hänga in Wärd zum Fensder naus, nou sin mir Herr im Haus.
100. An Rundn rum, an Rundn rum, wall ich nix anders tanzn konn, an Rundn rum, wall ich nix anders konn.
101. Dou drom affm Berchla, wou sich däi Weidn biegn, dou vögeld der Bauer, dass däi Hoar rumfliegn.
102. Dou brauchd mer kann Stiefel, dou brauchd mer kann Schouh, dou brauchd mer kann Stiefelknechd a ned derzou.
103. Des Madla vo der Klausn, des schaud mi fier an Doldi o, die mand ich kann ned mausn, obber mausn kann i scho.
104. Ei du liebe Margaret, du liegsd ja ganz verkehrd im Bedd, du reggsd dein Oarsch in Himmel nauf, wie soll ich denn do rauf.
105. Dou hindn in da Lamagubn, dou seichd a Frusch a Madla rum, des Madla schreid oh weih, oh weih, oh Fröschla lou mi geih.
106. Mei Vadder is im Himmel drom und ich bin aff der Weld, der mou mi doch vergessn hom, sunsd schiggerd er a Geld.
107. Heid is unser, heid is unser, heid is unser Kärwa, und wenn mer a ka Geld ned hom,mach ma doch an Lärma.
108. Vo dou drund kumm i rauf, wou däi Zwanzger wern gschlong, dou konn doch ka Deifl an Zwanzger mer hom.
109. Wennsd amol kummsd ins Egerland nauf, dann richsd an schäine Gruß an mei Schädzala aus.
110. Wenns frägd wies mer gehd, nou sagsd ich bin gschdorbn, wenns ofängd zum greina, nou sagsd i kumm morng.
111. Mei Saddelgaul is a Schimmel, mei Handgaul a Rabb, mei Mudder a Wärdsfraa und ich bin a Schlack.
112. Des Bärbala, des Bärbala mid ihre dreggadn Füß, woar värzeh Doch in Himmel drom, had widda nunder gmüßd.
113. Ich und mei Nachbar, mir sin a Paar, mir rubfn däi Weiber und verkaafn däi Haar.
114. Wo hängi hi mein Kiddl mein Houd, wo hängi hi mein Kiddl mein Houd, dou drundn im Schdodl dou hängd a drum Nogel,
dou hängi hi mein Kiddl mein Houd.
115. Ich wenn a Winderschdorfer wär, ich socherd goar nix mehr, ich gennerd in Budn nauf und hängerd mi auf.
116. Ich wenn a Winderschdorfer, ich socherd goar nix mehr, ich gennerd in Keller no und schdecherd mi o.